Министрликтен такталгандай, конференция Кеннеди борборунда өтүп, Борбордук Азия жана АКШдан келген компаниялардын өкүлдөрүн чогултту.
Конференциянын ачылышы АКШнын Борбордук жана Түштүк Азия боюнча атайын элчиси Серджио Гора жана АКШнын соода министри Говард Лютниктин сөздөрү менен белгиленди.
«Кыргызстан, АКШнын Эл аралык өнүктүрүү финансылык корпорациясы (DFC) менен биргеликте, Борбордук Азиядагы инвестицияларга арналган негизги сессиянын тең төрагасы болду. «Deal Zone» аттуу өзүнчө сессиянын алкагында мамлекеттик банк менен Citi Bank, ошондой эле мамлекеттик банк менен Oppenheimer, жана «Кыргыз Темир Жолу» менен All American Rail Group ортосунда түшүнүшүү меморандумдарына кол коюлду», - деп билдирет маалымат кызматы.
