Акита префектурасында аюулар менен болгон кырдаал критикалык абалга жетти, губернатор Кэнта Сузуки армиядан жардам сурады. Ал жергиликтүү бийликтердин аскерлердин колдоосу жок өсүп жаткан коркунуч менен күрөшүүгө жөндөмсүз экенин белгиледи.
Акыркы апталарда аюулардын турак жайларга жакын жерлерде үзгүлтүксүз пайда болуп жатканы тууралуу маалыматтар келип түшүүдө.
Япониянын саламаттыкты сактоо министрлигинин маалыматына ылайык, быйыл 1-апрелден бери аюулардын чабуулунан тогуз адам каза болуп, жүздөн ашык адам жаракат алган. Армиянын жардамын күтүп жаткан префектура тез арада кошумча капкандарды орнотуу жана мектептерге жакын жолдордо коркутуучу спрей колдонуу сыяктуу чукул чараларды көрүүдө.
Расмий өкүл аюулардын чабуулдары префектуранын бардык аймагында байкалып жатканын жана кырдаалдын көзөмөлдөн чыгып кеткенин мойнуна алды.
