Жыйындын жүрүшүндө ШКУнун алкагында кызматташтык боюнча маанилүү маселелер талкууланды. Кыргызстандын уюмдагы төрагалыгы менен байланыштуу 2026-жылы Бишкекте өтө турган ШКУ саммитине даярдыкка, ошондой эле ШКУнун 25 жылдыгына арналган юбилейлик иш-чараларга өзгөчө көңүл бөлүндү.
Адылбек Касымалиев Кыргыз Республикасынын финансылык өз ара аракеттенүүнү өнүктүрүүгө багытталган бир катар демилгелеринин маанилүүлүгүн белгиледи.
Башкы катчы Нурлан Ермекбаев, өз кезегинде, Кыргызстандын уюмдагы активдүү позициясын белгилеп, Кыргызстандын төрагалыгынын алкагында пландалган иш-чараларды даярдоого жана өткөрүүгө ШКУнун Секретариатынын толук колдоо көрсөтүүгө даяр экенин билдирди.
