Улуттук жаңы форматтагы айдоочулук күбөлүктөрдү киргизүү тууралуу токтомду өкмөт башчысы Адылбек Касымалиев кол койду. Бул күбөлүктөр 2025-жылдан тарта күчүнө кирет.
2019-жылы киргизилген эски айдоочулук күбөлүктөр, калган бланктар колдонулуп бүткүчө берилет. Андан кийин жаңы күбөлүктөрдү даярдоо процесси башталат.
Жаңы айдоочулук күбөлүктөрдүн персонификациясына мамлекеттик мекеме "Кызмат" жооп берет, ал Президенттин иш башкармалыгына баш ийет.
Ошондой эле, Тышкы иштер министрлигине эл аралык уюмдарга жана башка өлкөлөргө жаңы айдоочулук күбөлүктөрүнө өтүү тууралуу маалымдоо тапшырылды.
Мындан тышкары, жаңы форматтагы айдоочулук күбөлүктөрдүн сүрөттөлүшү жана үлгүсү бекитилди.
