18-декабрда мамлекет башчысы Император Нарухитомен жолугушту. Жолугушуунун жүрүшүндө тараптар достук байланыштарды бекемдөө, маданий-гуманитардык кызматташтыкты өнүктүрүү, ошондой эле Кыргызстан менен Япониянын элдери ортосундагы өз ара түшүнүшүү жана ишенимди кеңейтүү маселелерин талкуулашты.
20-декабрда Садыр Жапаров "Ортолук Азия – Япония" Диалогу боюнча биринчи саммитке катышты. Өзүнүн сөзүндө ал саммит Ортолук Азия өлкөлөрү менен Япониянын ортосундагы өнөктөштүктү сапаттуу жаңы деңгээлге чыгарууга болгон жалпы каалоону чагылдырат деп белгиледи. Президент Кыргызстан Япониянын экологиялык туруктуулук, байланыштарды өнүктүрүү жана адам ресурстарын жакшыртуу боюнча биргелешкен иштерди үч негизги багытка топтоону сунуштаганын колдой турганын билдирди.
Ошол эле күнү Садыр Жапаров Санаэ Такаитимен сүйлөшүүлөрдү өткөрдү. Тараптар саясий, экономикалык жана маданий-гуманитардык тармактарда эки тараптуу кызматташтыкты тереңдетүү, өз ара соода жана инвестицияларды жогорулатуу, туруктуу жана жашыл энергетика тармагында кызматташтыкты өнүктүрүү, кадрларды даярдоо жана квалификациясын жогорулатуу, ошондой эле спорт жана туризм тармагында өз ара аракеттешүүнү кеңейтүү маселелерин талкуулашты.
Эки тараптуу жолугушуунун жыйынтыгы боюнча Кыргызстан менен Япониянын ортосундагы кызматташтыкты өнүктүрүү жана тереңдетүүгө багытталган бир катар документтерге кол коюлду.
