ДЖЕКШЕНБАЕВ Шибек Сулайманкулович
Архитектор. Кыргыз ССР Токтогул атындагы мамлекеттик сыйлыктын лауреаты.
1947-жылы Кыргыз ССРдин Чүй районунун Сайлык айылында төрөлгөн.
1971-жылы Фрунзе политехникалык институтунун архитектура-курулуш факультетин аяктаган. Окууну аяктаган соң «Киргизгипросельхоз» институтунда (азыркы учурда «ЦНИИЭПовцепром») архитектор болуп иштеп, айыл үчүн турак жай жана коомдук имараттардын долбоорлорун иштеп чыгууга катышкан.
1975-1976-жылдары «Фрунзегорпроект» институтунда архитектуралык топтун жетекчиси болуп иштеген.
1976-жылы архитекторлор Р. Мухамадиев жана А. Зусик менен бирге Кыргызстандын КПнын ЦК имаратынын долбоорун ишке ашыруу укугуна ээ болгон конкурс жеңип алган.
1971-жылы Ш. Джекшенбаев архитекторлор Д. Ырыскулов жана В. Назаров менен бирге Кыргыз мамлекеттик көркөм искусстволор музейинин имаратынын долбоорун иштеп чыгууга жана ишке ашырууга укук алган.
1976-1979-жылдары Фрунзе политехникалык институтунун архитектуралык долбоорлоо кафедрасында окутуучу болуп иштеген.
1979-1981-жылдары Москвада СССРдин Госкиносуна караштуу жогорку сценаристтер жана кинорежиссерлор курстарында окуган.
1981-жылдан тартып «Киргизфильм» киностудиясында мультфильмдердин режиссеру болуп иштейт.
Сүрөтчү катары «Кыргызстан» жана «Мектеп» басмаканалары менен узак мөөнөттүү жана жемиштүү кызматташып келет. Ш. Джекшенбаев Кыргыз ССР ВДНХсынын эмблемасынын жана Кыргыз ССР ВДНХсынын катышуучусу медалынын автору.
1976-жылы Ташкент шаарында Азия, Африка жана Латын Америкасынын өлкөлөрүнүн IX эл аралык кинофестивалында «Как сын спас отца» фильми үчүн диплом менен сыйланган, 1986-жылы Алматы шаарында «Бастау-87» кинофестивалында «Театр шута Рустама» лентасы үчүн мультфильмдер бөлүмүндө башкы сыйлыкка ээ болгон. Токтогул атындагы мамлекеттик сыйлык Ш. Джекшенбаевге Кыргыз мамлекеттик көркөм искусстволор музейинин архитектурасы жана курулушу үчүн берилген.
1975-жылдан бери СССРдин архитектурачылар союзунун мүчөсү.
Негизги курулуштар
1974. Фрунзе шаарындагы Кыргыз ССР көркөм искусстволор мамлекеттик музейи (топтун курамында); Ленин проспекти жана Фрунзе шаарындагы Мир проспектинин көрктөндүрүлүшү.
Негизги долбоорлор
1971. Фрунзе шаарындагы Кыргыз илимий-изилдөө мал чарбачылык институтунун лабораториялык имараты;
1974. 1500—2000 тургуну бар айыл үчүн типтүү соода борборунун долбоору.
1971. Республика боюнча конкурс. Фрунзе шаарындагы Кыргыз мамлекеттик көркөм искусстволор музейи (топтун курамында, I! сыйлык);
1976. Республика боюнча конкурс. Кыргызстандын КПнын ЦК имараты жана Кыргыз ССР Министрлер Кеңеши (топтун курамында, II сыйлык).
МУЛЬТИПЛИКАЦИОНДУК ФИЛЬМДЕР
1983. «Үч баатыр» (кыргыз элдик жомокторунун мотивдери боюнча);
1984. «Как сын спас отца» (кыргыз легендалары жана уламыштары боюнча);
1986. «Театр шута Рустама» (сценарийи Т. Зульфикаров).
