Скрябин Константин Иванович

Скрябин Константин Иванович (1878-1972),

агрономия или айыл чарба илигинин доктору, профессор (1920), СССРдин илимдер академиясынын академиги (1939), Кыргыз ССРинин академиги (1954), Ленин сыйлыгынын (1957) жана мамлекеттик сыйлыктын (1941) лауреаты

Орус. РФнын Санкт-Петербург шаарында төрөлгөн.

Юрьев ветеринардык институтун (Тарту шаары, 1905) аяктаган.

Орта Азияда ветеринардык дарыгер болуп иштеген, Новочеркасск ветеринардык институтунда, Москва ветеринардык академиясында профессор, тропикалык институттун гельминтология бөлүмүнүн башчысы, Кыргыз ССРинин КирФАН президиумунун төрагасы, ВАСХНИИЛдин вице-президенти болуп иштеген.

Гельминтология тармагында адис. ВАСХНИЛдин академиги (1935).

Улуу Британия, Франция, АКШ, Бельгия жана башка өлкөлөрдүн ардактуу академиги.

Ленин ордендери (6) жана СССРдин медалдары менен сыйланган.

Социалисттик эмгектин баатыры (1958).

Анын жетекчилиги астында докторлук жана кандидаттык диссертациялар корголгон.

Негизги эмгектери:

1. Жалпы гельминтологиянын негиздери (авторлоштук). Москва, 1940.
2. Жаныбарлардын жана адамдардын трематодоздору. Трематодологиянын негиздери. Т.1-23. М-Л., 1947, 70.
3. Гельминтоздор жана адамдар менен жаныбарлардын башка ооруларына каршы күрөшүүдөгы деструкция. Фрунзе, 1947.