Бул иш-чара Билим берүү департаменти тарабынан уюштурулуп, К. Каниметов атындагы №1 интернат мектебинин базасында өтүүдө. Тестирлөө тандоонун бир этапын түзөт жана жаш педагогдордун борбордун билим берүү мекемелеринде иштөөгө даярдыгын баалоого мүмкүнчүлүк берет.
«Жаш мугалим» программасы Бишкек мэриясынын колдоосу менен ишке ашырылып, жаңы адистерге жардам берүү, алардын кесиптик компетенцияларын жакшыртуу жана шаар мектептеринде ийгиликтүү иш баштоо үчүн ыңгайлуу шарттарды түзүүгө багытталган.
