ЖКнын маалымат кызматынын маалыматына ылайык, жолугушуу учурунда ал билим берүү тармагын өнүктүрүү жана мугалимдерге колдоо көрсөтүү маселелерин талкуулады. Маматалиев быйыл мугалимдердин айлык акысынын көбөйтүлөрүн белгилеп, бирок бул болгону башталыш экенин айтты.
«Быйыл мугалимдердин айлык акысын жогорулатуу пландалууда. Бирок бул болгону биринчи кадам, биз бардык тараптан колдоо көрсөтүүнү улантабыз. Жогорку Кенеш өз ыйгарым укуктарынын алкагында билим берүүнү өнүктүрүүгө жана мугалимдер үчүн эмгек шарттарын жакшыртууга багытталган мыйзамдык базаны бекемдөөгө активдүү иш алып барат. Биз ушул максатка жетишүүгө жардам берген бардык демилгелерди колдойбуз. Тийиштүү мыйзамдарга өзгөртүүлөрдү киргизүү үчүн убакыт келди, бул заманбап муктаждык», — деди ал.
Ошондой эле Маматалиев мектеп окуучуларынын катышуусундагы жагымсыз окуяларды да козгоду, балдарды тарбиялоодогу жоопкерчилик мугалимдердин гана мойнунда болбошу керек экенин баса белгиледи.
«Биз тарбиянын негизги негиздери үй-бүлөдө калыптанарын унутпашыбыз керек. Эгер ата-энелер, мугалимдер жана коом бул процессине активдүү катышса, биз мыкты муунду тарбиялайбыз», — деп кошумчалады спикер.
