Жыйын 12-февралда Бишкекте Министрлер кабинетинин башчысы Адылбек Касымалиевдин жетекчилиги астында өттү. Мэрдин биринчи орун басары Мирланбек Байгончоков турак-жай-коммуналдык чарбадагы иштердин жыйынтыктары боюнча доклад жасады.
Берилген маалыматка ылайык, 2025-жылы аткарылган иштердин көлөмү 2024-жылга салыштырмалуу 325,6 миллион сомго көбөйдү.
Шаарда санитардык тазалоого жатуучу аянт 11,1 миллион квадрат метрге жетти, ал эми аткарылган иштердин көлөмү 1,21 миллиард сомду түздү, бул өткөн жылга салыштырганда 321,5 миллион сомго көп.
Катуу тиричилик калдыктарын чыгаруу кызматтарын пайдаланган абоненттердин саны 1,04 миллион адамга жетти, бул 913,9 миллион сомдук кирешени камсыз кылды.
