«Инвестициялык вектор: мамлекет жана бизнес» форумунда Азык-түлүк өндүрүшүн өнүктүрүү ассоциациясынын аткаруучу директору Рустам Балтабаев инвестициялык климат — бул жөн гана сөз эмес, реалдуу баа жана долбоорлорду ишке ашыруунун ылдамдыгы экенин билдирди.
Ал ошондой эле инвестициялык климаттын маанилүү аспектилерине финансылык ресурстарга жеткиликтүүлүк, инфраструктураны өнүктүрүү жана менчик укуктарын коргоонун туруктуу эрежелери кирерин белгиледи.
«Бизнес-ассоциацияларынын эффективдүү катышуусу үчүн ыңгайлуу шарттарды түзүү зарыл. Биз белгиленген максаттарга жетүү үчүн беш негизги кадамды иштеп чыктык. Алардын бири бизнес үчүн «бирдиктүү терезе» принципин киргизүү, ал эми акыркы кадам мамлекет менен бизнес ортосундагы диалогду жаңы деңгээлге чыгаруу болот», - деп кошумчалады ал.
Анын айтымында, так ушундай жол менен коңшу мамлекеттерде экономика активдүү өнүгүүдө.
