Кыргыз Республикасынын Экономика жана соода министрлигинин маалымат кызматынан билдиришти, кабыл алынган Концепция туристтик тармак үчүн стратегиялык багыттарды белгилеп, ошондой эле өлкөлөр ортосунда экономикалык кызматташтыкты тереңдетүүгө жана өз ара туристтик сапарларды көбөйтүүгө багытталган чараларды камтыйт.
.
Концепциянын алкагында биргелешкен туристтик сунуштарды түзүү, жаңы евразиялык маршруттарды өнүктүрүү жана ЕАЭБ өлкөлөрүнүн туристтик мүмкүнчүлүктөрү тууралуу маалыматты ички жана тышкы рыноктордо жогорулатуу каралган. Мындан тышкары, Союздун расмий порталында туризмге арналган атайын бөлүмдү ишке киргизүү пландалууда.
Туризм экономика өсүшүнүн жана жумуш орундарын түзүүнүн негизги факторы болуп саналат. Дүйнөлүк туристтик жана саякат кеңешинин маалыматына ылайык, 2024-жылы бул сектор дүйнөлүк ИДПнын 10% чамасында камсыздайт жана ар бир онунчу адам үчүн жумуш орундарын түзөт. ЕАЭБ өлкөлөрүндө туризмдин жалпы ИДПдагы үлүшү болжол менен 3%ды түзөт, бул болсо андан ары өсүү үчүн маанилүү потенциалды көрсөтөт.
Бул Концепцияны ишке ашыруу өз ара туристтик агымдардын көбөйүшүнө, туристтик тармактын экономикага кошкон салымын жогорулатууга жана Союз мамлекеттеринде инфраструктураны өнүктүрүүгө жана жаңы жумуш орундарын түзүүгө көмөктөшөт деп күтүлүүдө.
