Негизги көңүл Балыкчы шаарында күн электр станциясын куруу пландары жана 50 гектар жерге жылыжай фабрикасын түзүү маселелерине бурулду. Жолугушуунун катышуучулары кызматташуу мүмкүнчүлүктөрүн, мамлекеттик колдоо чараларын жана сунушталган инициативаларды ишке ашыруу боюнча кийинки кадамдарды талкуулашты.
Нацагенттиктин жетекчиси Равшанбек Сабировдун айтымында, инвестиция тартуу өлкө үчүн стратегиялык мааниге ээ.
Ал мамлекет бизнести коргоо, салык-таможендик саясатты жеңилдетүү жана инвестициялык климатты алдын ала болжолдуу кылуу боюнча чараларды активдүү киргизип жатканын белгиледи. «Бул аракеттер инвесторлордун ишенимин бекемдөөгө жана Кыргызстанды Борбордук Азияда инвестициялоо үчүн эң тартымдуу өлкөлөрдүн бирине айландырууга багытталган», - деп кошумчалады ал.
Агенттиктин маалыматына ылайык, аталган долбоорлорду ишке ашыруу түз чет элдик инвестицияларды тартууга, жаңы жумуш орундарын түзүүгө жана өлкөдөгү азык-түлүк жана энергетикалык коопсуздукту жогорулатууга жардам берет.
Жолугушуунун жыйынтыгында тараптар приоритеттүү инвестициялык инициативаларды ишке ашырууда өнөктөштүккө жана колдоого даяр экенин билдиришти.
