Көргөзмөдө айыл чарба техникасынын эң жаңы үлгүлөрү, жогорку сапаттагы урук, көчөттөр, минералдык тыңайткыктар жана тамчы сугат системалары көрсөтүлүүдө. Иш-чарага Кыргызстандан, Өзбекстандан, Тажикстандан жана Кытайдан катышуучулар өз продукцияларын сунуштоодо.
Иш-чаранын программасында агрономдор тарабынан мастер-класстар, финансылык маселелер боюнча консультациялар, көңүл ачуу шоу программалары жана сыйлыктарды утуп алуу оюндары пландалган.
Мэрия көргөзмөнүн негизги максаты фермерлер арасында тажрыйба алмашуу, бизнес байланыштарын орнотуу жана айыл чарба секторуна инвестиция тартуу экенин белгиледи.
