Депутаттын белгилөөсү боюнча, 2025-жылы Мамлекеттик агенттикке республикалык бюджеттен 2 миллиард 446 миллион сом бөлүнгөн. Бул суммадан 1 миллиард 62 миллион сом эмгек акы фондуна, болжол менен 70 миллион сом коммуналдык кызматтарга, ал эми 150 миллион сом оңдоо иштерине жумшалган. Мындан тышкары, спортту өнүктүрүү үчүн 1 миллиард 103 миллион 163 миң сом каралган.
Кыдыралиев каражаттарды пайдалануу боюнча деталдарды тактап, мелдештерге жана окуу-даярдык жыйындарга командировкалык чыгымдарды, ошондой эле оңдоп-түзөө жана башка чыгымдарды сурап, бөлүнгөн бюджетти толук пайдаланууга жетишкенби деп кызыкты.
Муну менен байланыштуу Мамлекеттик физикалык маданият жана спорт агенттигинин директору Казыбек Молдажиев пайдаланылбаган каражаттардын олуттуу деңгээлде жок экенин билдирди. Анын айтымында, каражаттардын калдыктары экономиянын натыйжасында пайда болгон, айрыкча республикалык спорт колледжинин оңдолушу учурунда тамактануу чыгымдарынын төмөндөшүнө жана кээ бир эл аралык турнирдеги чыгымдардын уюштуруучүлөр тарабынан жабылышына байланыштуу.
