Берлинде «Кыргызстандын улуттук экономикасы күнү» аталышындагы кыргыз-немис бизнес-форуму өтүп, анын жүрүшүндө бир нече маанилүү документтерге кол коюлду.
Кол коюлган келишимдердин арасында:
Кыргызстандагы «Мега Мастер Плюс» ЖЧК менен немис компаниясы Grenzebach BSH GmbH ортосунда гипсокартон жана кургак аралашмалар өндүрүү заводу үчүн жабдуулар жана технологияларды жеткирүү боюнча келишим; «Сан Планет Органик» ЖАКтан EgeSun GmbHга 100 тоннага жакын грек жаңгагын жеткирүү боюнча келишим; «Кыргызфармация» мамлекеттик ишканасы менен «Siemens Helthineers» компаниясы ортосундагы кызматташуу боюнча меморандум; Бишкектеги № 97 темир жолчу кесиптик лицейи менен «Spitzke» ортосундагы кызматташуу боюнча келишим; Кыргыз Республикасынын илим, жогорку билим берүү жана инновациялар министрлиги менен «KARL Berufsbildungs-GmbH» ортосунда кесиптик билим берүү борборун түзүү боюнча меморандум; Кыргыз Республикасынын эмгек, социалдык камсыздоо жана миграция министрлиги менен «Janser Consult GmbH» ортосунда Германияда жарандарды жумушка орноштуруу жана кесиптик даярдоо боюнча келишим; Кыргыз Республикасынын эмгек, социалдык камсыздоо жана миграция министрлиги менен «Barmer Ersatzkasse» компаниясы ортосундагы жарандарды социалдык коргоо жана медициналык камсыздандыруу боюнча меморандум; «Инсан-Лейлек» коомдук фонду менен Германиядагы «KUNA» бирикмеси ортосундагы келишим; «Europa Park» компаниясы менен кызматташуу боюнча меморандум; Регенсбург жана Швандорф жумуш агенттиктери менен келишим; «АК Бура Групп» ЖЧК менен «Wiegert&Bähr Turbinen und Stahlwasserbau» ортосунда мини-гидроэлектр станциясын куруу боюнча меморандум; «АПК Валди» жана «SEG ENERGY LEASING LIMITED» менен энергияны үнөмдөөчү курулуш жана күн энергиясы тармагында экономикалык долбоорлорду ишке ашыруу боюнча келишим; «Schmid Group GmbH» менен кызматташуу боюнча меморандум; «Crane&Logistic Partner GmbH» менен келишим; «Windevo Servicetechnik GmbH» менен меморандум.
