Визиттин максаты "Япониянын жана Кыргыз Республикасынын укук системалары боюнча экинчи биргелешкен изилдөө" даярдоо жана соттук экспертиза тармагында мындан аркы өз ара аракеттенүүнү талкуулоо болду.
Жолугушуу учурунда тажрыйба алмашуу, заманбап технологияларды киргизүү жана ушул тармактагы адистердин квалификациясын жогорулатууга басым жасалды.
Соттук-эксперттик кызматтын төрагасы Талантбек Кожонов, кызматтын ишинин негизги багыттарынын бири катары эл аралык кызматташууну кеңейтүүнүн маанилүүлүгүн белгиледи.
Оку Даики япон тараптын биргелешкен изилдөөлөрдү баштоого жана бир катар артыкчылыктуу багыттарда практикалык долбоорлорду өнүктүрүүгө даяр экенин билдирди.
Расмий бөлүгү аяктагандан кийин, делегация Соттук-эксперттик кызматтын ар кандай бөлүмдөрүнүн иши менен таанышып, жүргүзүлгөн изилдөөлөрдүн жана экспертизалардын ар түрдүүлүгүн көрүүгө мүмкүнчүлүк алды.
