Аданов Кыргызстанды бул позицияга сунуштоо Борбордук Азия өлкөлөрүнүн эл аралык тынчтыкты жана туруктуулукту бекемдөөгө болгон ниетин көрсөтөт деп белгиледи. Ал Кыргызстан шайланса, глобалдык коопсуздукка, туруктуу өнүгүүгө жана актуалдуу маселелерди биргелешип чечүүгө багытталган жооптуу Коопсуздук кеңешинин мүчөсү болорун кошумчалады.
Муну менен катар, Өзбекстандын Шанхай кызматташтык уюмунун Секретариатындагы туруктуу өкүлү Саидкамол Агзамходжаев да брифингде сөз сүйлөп, Ташкентте өткөн Борбордук Азия мамлекеттеринин башчыларынын Консультативдик жолугушуусунун жыйынтыктарын бөлүштү.
