Бишкектеги №37 мектебинин мугалиминде медициналык текшерүү учурунда туберкулез аныкталды.
Шаардык администрациянын маалыматына ылайык, мындай учурларда, Саламаттыкты сактоо министрлигинин көрсөтмөлөрүнө ылайык, бир катар чаралар көрүлөт: мугалимди жумуштан убактылуу четтетүү; байланышта болгон адамдар үчүн Диаскин-тест жана өпкө рентгенографиясы; байланышта болгон адамдар арасында туруктуу скрининг уюштуруу; ошондой эле мектеп имараттарында медициналык кызмат менен биргеликте күн сайын санитардык жана профилактикалык иш-чараларды өткөрүү.
Учурда Бишкектеги бардык мугалимдер белгиленген график боюнча медициналык текшерүүлөрдөн өтүп жатышат.
