Бул иш-чара Кёнгун университети тарабынан Түштүк-Чыгыш Азия өлкөлөрүнүн билим берүү министрлеринин уюму (SEAMEO) менен кызматташтыкта уюштурулган жана санарип билим берүү тармагында лидерлик сапаттарды илгерилетүү үчүн маанилүү эл аралык платформа болуп саналат.
Форумдун жүрүшүндө Корея Республикасында жана SEAMEO мүчө мамлекеттеринде колдонулган лидерликке, инновациялык саясаттарга жана ийгиликтүү практикаларга эффективдүү мамилелер каралууда. Катышуучулар технологияларды билим берүү процессине жана билим берүү жетекчилигине интеграциялаган адамга багытталган санариптик инновациялык долбоорлорду түзүү боюнча иш алып барышат. Ошондой эле, санариптик билим берүү лидерлиги боюнча биргелешип окуу жана кесиптик өнүгүүнү колдогон эл аралык өнөктөштүк тармагынын түзүлүшү боюнча демилге сунушталууда.
Бул маанилүү иш-чарада Түштүк-Чыгыш Азия өлкөлөрүнүн илим жана билим берүү тармагындагы бийлик өкүлдөрү, ошондой эле ар кандай университеттердин президенттери жана ректорлору, билим берүү боюнча эксперттер, методикалык кеңешчилер, изилдөөчүлөр жана билим берүү технологиялары боюнча практиктер катышууда. Форумда пленардык жыйындар, панелдик талкуулар, ошондой эле кейстердин презентациялары жана интерактивдүү семинарлар өтүп жатат.
КУМУ глобалдык билим берүү мейкиндигине активдүү катышып, заманбап санарип билим берүүнү өнүктүрүүгө олуттуу салым кошууда!
