Форум Кыргыз Республикасынын Санариптик өнүгүү министрлигинин, Улуттук юридикалык корпорациянын жана Жогорку технологиялар паркын колдоосу менен уюштурулат жана бир жерде Борбордук Азия өлкөлөрүнөн эксперттерди, мамлекеттик кызматкерлерди, ошондой эле эл аралык уюмдардын жана алдыңкы технологиялык компаниялардын өкүлдөрүн чогултат.
Форумда негизги көңүл инновациялар менен алардын укуктук жөнгө салуусунун ортосундагы гармонияны издөөгө бурулат.Иш-чаранын катышуучулары технологиялардын тез өнүгүүсү контекстинде пайда болгон чакырыктарды жана мүмкүнчүлүктөрдү, ошондой эле туруктуу санариптик экосистеманы түзүү үчүн зарыл болгон стратегиялык чараларды талкуулашат.
Форумдун конокторунун арасында Казакстан, Өзбекстан, Тажикстан, Россия, Кытай, Пакистан, Сербия жана башка өлкөлөрдүн эксперттери болот, бул иш-чараны жасалма интеллект, санариптик атаандаштык, чегара аралык маалыматтар жана региондун санариптик мейкиндигинин келечектеги архитектурасы боюнча маселелерди талкуулоо үчүн маанилүү платформа кылат.
Ошондой эле 2026-жылы күчүнө кире турган Кыргыз Республикасынын жаңы Санариптик кодексинин презентациясы пландалууда.
Уюштуруучулар форум региондогу кызматташтыкты күчөтүү жана санариптик экономиканы жөнгө салууда жалпы мамилелерди түзүү үчүн маанилүү кадам болоорун баса белгилешет.
Кошумча маалыматты расмий сайттан табууга болот.
