Улан Ниязбеков өзүнүн сөзүндө коомдук тартипти жана жолдордогу коопсуздукту камсыздоонун маанилүүлүгүнө көңүл бурду. Ал ички иштер органдарын заманбап ресурстар менен камсыздоо приоритеттүү милдет экенин белгилеп, бул алардын ишинин натыйжалуулугун жогорулатууга жана жарандарга кызмат көрсөтүүнүн сапатын жакшыртууга багытталганын айтты. Жаңы автопарк, анын айтымында, жол кырсыктарынын санын азайтууда маанилүү роль ойнойт.
Министр ошондой эле жаңы унаалар биринчи кезекте туристтик милициянын бөлүмдөрүнө, коомдук тартипти жана жолдордогу коопсуздукту камсыздоочу кызматтарга, ошондой эле оперативдик бөлүктөргө берилээрин кошумчалады. Бул коопсуздукту жогорулатуу, укук бузуулардын алдын алуу жана кызматтык милдеттерди ийгиликтүү аткаруу үчүн кошумча мүмкүнчүлүктөрдү түзөт.
