Президенттин парламенттеги ыйгарым укуктуу өкүлү Алмасбек Абытовдун билдиришинче, Рыскулиев өз кызмат ордуна президенттин квотасы боюнча дайындалган, ошондуктан Садыр Жапаров Алмазбек Акматовдун сунушу боюнча аны бошотуу өтүнүчүн билдирген.
Депутат Жаныбек Абиров комитетке келип түшкөн материалдарды изилдеп, Рыскулиевди жакшы тааный тургандыктан таң калуусун билдирди.
Ал Акматовго суроо узатты: "Сиз анын менен болгон кырдаалды талкууладыңызбы, ал болгон окуяны кандай түшүндүрөт? Негизи, сиз эмнеге анын жумуштан бошотулушу боюнча ушунчалык тез чечим кабыл алдыңыз?"
Эсеп палатасынын жетекчиси ведомствонун ички коопсуздук кызматы инцидент боюнча териштирүү жүргүзгөндүгүн, анын жыйынтыктары президентке жөнөтүлгөндүгүн билдирди. Бул маалыматтын негизинде бошотуу боюнча сунуш киргизилген.
Акматов ошондой эле Рыскулиев 2027-жылга чейин өз кызматында болушу керектигин белгиледи.
