АИС системасы провайдерлер, министрликтин адистери жана байланышкан структуралар менен өз ара аракеттешүүнү жеңилдетүүчү бирдиктүү цифралык мейкиндикти түзөт. Ал тарифтик квоталарды бөлүштүрүүгө катышуу үчүн жеткиликтүү жана ачык механизмди камсыз кылат.
Провайдерлер үчүн артыкчылыктар:
- quota.agro.gov.kg порталында катталуу мүмкүнчүлүгү;
- тарифтик квоталарга электрондук арыздарды берүү;
- арыздардын статусун көзөмөлдөө жана электрондук почтага билдирүүлөрдү алуу.
Системанын негизги функциялары:
- бирдиктүү портал аркылуу электрондук форматта арыздарды кабыл алуу;
- Юстиция министрлигинин базаларын колдонуу менен компаниялардын маалыматтарын автоматтык текшерүү;
- адилеттүүлүк принциптерине негизделген үч этапта жаңы жана иштеп жаткан провайдерлер арасында тарифтик квоталарды бөлүштүрүү;
- импорттун көлөмүн онлайн-көзөмөлдөө жана аналитикалык отчетторду даярдоо;
- арыздардын, квоталардын жана берилген корутундулардын электрондук реестрлерин жүргүзүү, PDF форматына экспорттоо мүмкүнчүлүгү менен.
Күтүлгөн натыйжалар:
АИСти киргизүү тарифтик квоталарды бөлүштүрүүдө кагазсыз документ жүгүртүүгө өтүүгө мүмкүндүк берет, бул чечим кабыл алуу процессинин ачыктыгын жогорулатат жана адам факторунун таасирин азайтат. Бул ошондой эле арыздарды иштетүү убактысын кыскартат, ведомстволордун ишинин натыйжалуулугун жогорулатат жана бизнестин мамлекеттик квоталоо системасына болгон ишенимин күчөтөт.
