Бул система тарифтик квоталарды санариптик форматка өткөрүү максатында иштелип чыккан. Бул жаңылыктар процесстин ачыктыгына өбөлгө түзүп, арыздарды иштеп чыгуу убактысын кыскартууга жана адам факторунун таасирин азайтууга жардам берет.
Жеткирүүчүлөр интернет аркылуу quota.agro.gov.kg порталында каттоодон өтүп, электрондук арыздарды берүүгө, алардын абалын көзөмөлдөп, электрондук почтасына билдирүүлөрдү алууга мүмкүнчүлүк алышат.
Автоматташтырылган система электрондук кабыл алуу жана арыздарды текшерүү, Юстиция министрлигинин реестри менен автоматтык текшерүү, жаңы жана иштеп жаткан жеткирүүчүлөр арасында квоталарды бөлүштүрүү, ошондой эле импорттун көлөмүн онлайн-көзөмөлдөө жана отчеттуулукты түзүү менен камсыз кылат.
Министрликте бул системанын киргизилиши кагазсыз документ жүгүртүүгө өтүүгө жана мамлекеттик квоталоо процессине бизнес тарабынан ишенимдин жогорулашына көмөктөшөт деп белгилешти.
