Кыргыз Республикасынын Башкы прокуратурасы Т. А. аттуу ири алдамчылыкка айыпталган жарандын Вьетнамдан экстрадицияланганын тастыктады.
Кыргызстандын Башкы прокуратурасынын Вьетнамдагы укук коргоо органдары менен биргеликте жүргүзгөн ишинин натыйжасында, 16.4 миллион сомдук ири зыянга себепкер болгон Т. А. Бишкекке жеткирилип, тергөө изоляторуна жайгаштырылды.
Башкы прокуратура эл аралык келишимдердин алкагында, адилеттиктен качып жүргөн адамдарды экстрадициялоо боюнча активдүү иштерин улантып жатканын белгилейт. Бул жабыркагандардын укуктарын коргоо жана кылмыш жоопкерчилигинин токтоосуздугун камсыз кылууга багытталган.
