Мыйзамга ылайык, шайлоолор маалымат менен камсыздалууга тийиш, бул жарандарды маалымдоо жана шайлоо алдындагы агитацияны камтыйт. Бул жарандардын эркин жана аң-сезимдүү түрдө өз каалоосун билдирүүсү үчүн, ошондой эле шайлоо процессинин ачыктыгын жогорулатуу үчүн зарыл. Агитацияга катышууну каалаган ММКлар жана интернет басылмалары Борбордук шайлоо комиссиясында (БШК) аккредитациядан өтүүгө милдеттүү.
Борбордук шайлоо комиссиясы телевидение жана басма аянтчасынын баасы шайлоонун бардык катышуучулары үчүн бирдей болушу керектигин жана шайлоолор жарыяланганга чейин алты ай мурдагы бааларды ашып өтпөшү керектигин эскертти.
Шайлоо алдындагы агитацияга катышууну каалагандар 2026-жылдын 11-январына чейин (кошуп алганда) БШКга төмөнкү документтерди тапшырышы керек:
- Шайлоо алдындагы агитацияга катышуу ниети тууралуу билдирүү, ММК же интернет басылмаларынын жетекчисинин ФИОсу жана байланыш маалыматы менен;
- Кыргыз Республикасынын Юстиция министрлигинде ММКнын каттоосун тастыктаган күбөлүктүн көчүрмөсү;
- Юридикалык жактын мамлекеттик каттоосун (кайра каттоосун) же салык органдарында каттоосун тастыктаган күбөлүктүн көчүрмөсү (интернет басылмалары үчүн);
- Маалымат жана массалык коммуникациялар боюнча ыйгарым укуктуу мамлекеттик орган тарабынан берилген уруксат документтеринин көчүрмөсү;
- Уставдын көчүрмөсү (эгер болсо);
- Эфирдик убакыт, басма аянтча же интернет басылмасында жарыялоо укугун берүү шарттары жана өлчөмү боюнча тастыкталган маалымат.
Мындан тышкары, жогоруда аталган бардык документтер электрондук түрдө Кыргыз Республикасынын БШКнын маалымат секторунун электрондук почтасына: [email protected] жөнөтүлүшү керек.
