1-декабрдан баштап өлкөдө таксомотордук кызматтардын лицензияларынын болушун текшерүү башталат. Мындан тышкары, оң рулдуу транспорт каражаттары такси функцияларын аткара албайт. ГУОБДД ИИМ айдоочуларды алдын ала керектүү документтерди даярдап, тапшырууга чакырат. Документтерди тапшыруу үчүн акыркы мөөнөт — 2025-жылдын 1-декабры.
ГУОБДД такси лицензиясыз жана тиешелүү документтерсиз иштөө мыйзам бузуу болуп эсептелинерин белгилейт. Айдоочуларга бардык талап кылынган кагаздарды алдын ала топтоого кеңеш берилет.
Лицензия алуу үчүн жеке адамдар төмөнкүлөрдү сунушташы керек:
транспорт каражатынын каттоосун көрсөтүүчү күбөлүктүн көчүрмөсү (керек болсо — башкарууга ыйгарым уку берүү);
техникалык көзөмөлдөн өткөндүгү тууралуу акттын көчүрмөсү;
жарандык жоопкерчиликти милдеттүү камсыздандыруу боюнча келишимдин көчүрмөсү;
айдоочулардын күндөлүк алдын ала техникалык көзөмөлүн жана медициналык текшерүүсүн өткөрүү үчүн юридикалык же жеке жактар менен келишимдин көчүрмөсү;
үч жылдан кем эмес айдоочулук стажын тастыктаган документ;
жана башка керектүү документтер.
