7-январда Ысык-Ата районунун Ички иштер бөлүмүнө Ивановка айылында жашаган аял кайрылган. Анын айтымында, саат 12:00 чамасында күйөөсү аны сабаган. Медицина экспертизасынын жыйынтыгы боюнча, аялдын оң жагында төртүнчү кабыргасы жабык сынык менен, ошондой эле көптөгөн көгала жана сызаттары бар экени аныкталды.
Окуя Кыргыз Республикасынын Кылмыш кодексинин 177-беренесине («Үй-бүлөлүк зомбулук») ылайык катталган. 1993-жылы туулган шектүү А.Э. кармалып, убактылуу кармоо жайына жайгаштырылды.
Учурда тергөө улантылууда.
