2025-жылдын 15-декабрында Аламудун районунун ички иштер бөлүмүнө Кара-Жыгач айылынан 1966-жылы туулган А. А. кайрылды. Ал 2024-жылдын ноябрь айында Э. У. анын ишенимин пайдаланып, биргелешип бизнес жүргүзүү шылтоосу менен алдамчылык жолу менен 600 миң сомду алып, из жашырып кеткенин билдирди.
Бул окуя катталган соң Кыргыз Республикасынын Кылмыш-жаза кодексинин 209-беренеси "Алдамчылык" боюнча кылмыш иши козголду.
2026-жылдын 3-январында ыкчам-издөө иш-чараларынын натыйжасында милиция кызматкерлери шектүүнүн жайгашкан жерин аныктоого жетишти. Ал Кыргыз Республикасынын Кылмыш-процессуалдык кодексинин 96-беренесине ылайык кармалып, убактылуу кармоо жайына жайгаштырылды. Райондук сот эки айга камакка алуу чарасын кабыл алды.
Териштирүү уланууда.
