Муну менен байланыштуу, министрликтен билдиришкендей, сугат көлөмдөрү чектелет, бул бир катар региондордо суу жетишсиздигине алып келет.
Министрлик фермерлерге жана дыйкандарга төмөнкү чараларды колдонууга катуу сунуштайт:
- суу үнөмдөөчү технологияларды (тамчы жана жаан сугат) киргизүү;
- суу ресурстарын азыраак талап кылган өсүмдүктөргө өтүү;
- кургакчылыкка туруктуу уруктарды колдонуу.
Суу камсыздоо боюнча маалымат алуу үчүн райондук айыл чарба өнүктүрүү башкармалыктарына же министрликтин адистерине кайрылуу сунушталат.
«Сугат мезгилинде министрлик суу ресурстарын адилеттүү жана тең салмактуу бөлүштүрүүнү көзөмөлдөйт.
Фермерлерди жана дыйкандарды кырдаалга түшүнүү менен мамиле кылууга жана суу үнөмдөөчү ыкмаларды активдүү колдонууга чакырабыз», - деп белгилешти ведомстводон.
