Бул жагдайга байланыштуу, ведомство фермерлерди суу үнөмдөөгө мүмкүндүк берген технологияларды, мисалы, тамчы жана жамгыр менен сугаруу системаларын киргизүүгө чакырды. Ошондой эле, сууга аз муктаж болгон өсүмдүктөрдү өстүрүүгө жана кургакчылыкка туруктуу уруктарды колдонууга өтүүнү сунуштады.
Министрликте фермерлер суу менен камсыздоо боюнча кеңештер үчүн райондук айыл чарба өнүктүрүү башкармалыктарына же министрликтин адистерине кайрылса болорун кошумчалашты.
Министрлик сугаруу мезгилинде суу ресурстарын адилеттүү бөлүштүрүү боюнча иштер жүргүзүлөрүн кепилдеди жана бардык тараптарды учурдагы жагдайды түшүнүүгө, ошондой эле суу үнөмдөө ыкмаларын активдүү колдонууга чакырды.
