Конкубаевадын айтымында, өлкөдөгү кылмыштуулук деңгээли жалпы алганда төмөндөгөн, бирок уурдоо жана алдамчылык учурларынын өсүшү байкалууда. «Рецидивди жоюунун себептери жазалардагы дисбаланс менен байланыштуу, — деп түшүндүрдү ал. — Мисалы, бир киши тоок уурдаса, 5 жылга чейин жазасын алса, коррупционерлер 5 миң сом айыппул менен кутулуп кетишкен. Рецидивди киргизүү жазаны катаалдаштырууга мүмкүндүк берет: уурдоону кайрадан жасаган адам 7 жылга чейин эркинен ажыратылышы мүмкүн. Зыян тарткан тарап зыянды калыбына келтирүү боюнча каршы арыз берүүгө мүмкүнчүлүк алат, бирок мындай учурда да катуу чаралар колдонулат», — деп кошумчалады ал.
Конкубаева «рецидив» түшүнүгүн сактоонун маанилүүлүгүн белгилеп, бирок жазаларды кайра карап чыгуу жана мыйзамдардагы карама-каршылыктарды жоюу боюнча сунуштарды берди. Ал айрым нормалар Конституцияга каршы келерин, ал Конституциянын бир эле кылмыш үчүн эки жолу жоопкерчиликке тартууну тыюу салганын эске салды. Эгер парламент бул мыйзам долбоорун кабыл алса, адистер өз сунуштарын киргизе алышат.
Ички иштер министринин орун басары Эркебек Аширходжаев мыйзам долбоору Конституцияны бузбай турганын жана болгону жазаларды катаалдаштырууну сунуштаганын белгиледи. Ал ошондой эле, жазанын мөөнөтү зарылчылык боюнча кайра каралып, оңдолушу мүмкүн экенин кошумчалады.
