Компаниянын маалыматына ылайык, экинчи пакеттин алкагында иштерди жалпы подрядчы — кытайлык CNEEC (China National Electric Engineering Co. Ltd.) компаниясы жүргүзүүдө.
«Эки гидроагрегат — №1 жана №2 параллель реконструкцияланышы 2026-жылга пландалган. Бул модернизация процессин тездетүүгө жана долбоордун натыйжалуулугун жогорулатууга мүмкүндүк берет. Эки агрегат боюнча даярдык жана инженердик иштер башталды», - деп айтылат билдирүүдө.
Гидроагрегат №2нин реконструкциялоо иштери 2026-жылдын 1-февралында башталат, ал эми гидроагрегат №1 үчүн старт 2026-жылдын 1-мартында белгиленген.
«Учурда гидроагрегат №2нин статоранын стерженьдерин ширетүү жана ротордун спицаларын чогултуу боюнча иштер жүргүзүлүүдө, дефекттерди текшерүү жүргүзүлүүдө. Параллель түрдө гидроагрегат №1 боюнча долбоордук даярдык жүргүзүлүүдө», - деп кошумчалашты пресс-кызматтан.
2025-жылдын жыйынтыгы боюнча Уч-Курган ГЭСинин кубаттуулугу 18 МВтка жогорулатылат, ал эми 2026-жылдын аягына чейин жалпы орнотулган кубаттуулук 36 МВтка жетет.
