Маалыматка ылайык, О.С.М. Ак-Суй районунун суу чарба башкармалыгынын начальниги болуп турганда, 2018-жылдан 2025-жылга чейин кызматтык ыйгарым укуктарын пайдакүнөм максатта пайдаланып, кызматтык экскаваторду үчүнчү жактарга ижарага берген.
Ошол эле учурда, ижарадан алынган 625 миң сом сумма суу чарба башкармалыгынын эсебине түшпөй, О.С.М. тарабынан өзүнө ыйгарып алынгандыгы расмий билдирүүдө көрсөтүлгөн.
Мындан тышкары, экскаватордун көп жолу жана мыйзамсыз пайдаланылышынын натыйжасында, техника пайдаланууга жараксыз абалга келип калган. Адистердин баамында, бул экскаватордун базардык баасы 800 миң сомду түзөт.
ГКНБнын маалыматы боюнча, О.С.М. тарабынан мамлекетке келтирилген жалпы зыян 1 425 000 сомду түзөт. Учурда ал Каракол шаарындагы СИЗОдо кармалууда жана тергөө иштери уланууда.
