Бул боюнча өкмөт башчынын орун басары жана айыл чарба министри Бакыт Торобаев жооп берип, бул маселенин каралып жатканын билдирди.
«Биз бул сектордо камсыздандырууну киргизүү мүмкүнчүлүгүн изилдеп жатабыз. Бардык айыл чарба культуралары программага киргизилбестигин, болгону эң маанилүүлөрү гана киргизилерин белгилегим келет», - деп кошумчалады ал.
Анын айтымында, учурда жеке камсыздандыруу компаниялары иштеп жатат, бирок компенсацияларды алуу механизми дагы иштелип чыккан эмес.
Ошол эле учурда 2026-жылга жазгы талаа иштерине даярдык боюнча Кыргыз Республикасынын Суу ресурстары, айыл чарба жана кайра иштетүү өнөр жайы министрлигинен маалымат талкууланды.
