Министрликтин маалыматына ылайык, жүзүмдүн жалпы жыйымы 5990,1 тонна болуп, 2024-жылга салыштырганда 1% га көп. Орточо түшүмдүүлүк гектардан 20,5 центнерди түздү.
Жүзүмчүлүктү колдоо максатында 2025-жылдын январь–май айларында Сербиядан алып келинген көчөттөр үчүн карантин фитосанитардык текшерүүлөр өткөрүлдү. Вируссуз сорттор техникалык жана столдук максатта тандалды.
«Ошондой эле Баткен облусунун Лейлек районунда жүзүмчүлүктү өнүктүрүү боюнча ар кандай инициативалар ишке ашырылууда. Жаны-Жер айылдык аймагында жергиликтүү кооперативдер «аватар» жана «кишмиш» сортторунун көчөттөрүн өстүрүү менен алектенишет. Мындан тышкары, «аватар», «мункас фингер» жана «кишмиш» сортторунун көчөттөрүн өндүрүүгө адистешкен жаңы питомник түзүү пландалууда», - деп айтылат маалыматта.
