Анын маалыматына ылайык, 2025-жылга чейин 6 545 гектар аянтта сугат технологияларын колдонуу пландалууда. 2026-жылы бул аянтты 9 730 гектарга чейин кеңейтүү, ал эми 2030-жылы 21 010 гектарга жеткирүү пландалууда. Технологиялардын өздүк наркын төмөндөтүү жана жеткиликтүүлүгүн жогорулатуу үчүн Москва районунда «Аква Пласт» заводун куруу боюнча иштер башталды, ошондой эле жер тилкесин бөлүп берүү маселеси каралууда.
Мындан тышкары, Кыргыз Республикасынын Министрлер Кабинетинин 2024-жылдын 29-апрелиндеги № 207 токтомуна ылайык, ички чарбалык сугат каналдары мамлекеттин балансына өткөрүлөт. Учурда облуста 4 БДР, 4 суу алуу курулушу жана 12 бөлүштүрүү каналы мамлекеттик баланска кабыл алынды.
Ошондой эле суу жоготууларын азайтуу боюнча иштер улантылууда. 2025-жылы 51 779 кв. м аянтта каналдардын бетон каптоосу жүргүзүлдү, бул 9,07 км түзөт. 2026-жылы 20,09 км каналдарды каптоо пландалууда. Бул иштерди кеңейтүү үчүн Москва районунда дагы завод курулууда.
