Ал учурда фермерлер өсүмдүктөрдү өстүрүү жана жыйноо менен алектенишерин, бирок продукцияны сактоо үчүн жетишсиз шарттарга туш болуп жатышканын белгиледи. Көптөгөн кампалар белгиленген стандарттарга жооп бербейт, ал эми муздаткыч жабдыктардын жоктугу продукциянын жыйноодон кийин 10 күндүн ичинде бузулушуна алып келет.
«Мамлекет тарабынан керектүү инфраструктураны өнүктүрүүгө каражаттар бөлүнгөн. Атап айтканда, фермерлерге долбоорлорду даярдоодо жана бизнес-пландарды иштеп чыгууда колдоо көрсөтүлөт», — деди министр.
Мындан тышкары, кампаларды, муздаткычтарды жана логистикалык борборлорду курууга финансирование банктар аркылуу жылдык 6% менен берилет.
Торобаев ошондой эле жакынкы эки-үч айда кампаларды, кайра иштетүү ишканаларын жана кичи өндүрүш цехтерин курууга кошумча каражаттарды бөлүүнү камтыган жаңы долбоорду баштоону пландап жатканын билдирди.
«Учурда тиешелүү токтом иштелип жатат», — деп кошумчалады ал.
Министр келечекте айыл чарба жерлеринин ар бир 500 гектарына бир кампаны же логистикалык борборду камсыз кылуу пландалып жатканын белгиледи.
