Матиевдин айтымында, бул технологиянын жардамы менен азыктарды клетка структурасын бузбай муздатууга мүмкүнчүлүк бар. Бул продукциянын формасын, даамдык сапаттарын жана жалпы абалын сактоодо негизги фактор болуп саналат.
«Салттуу муздатуу ыкмалары муз кристалдарын пайда кылат, бул азыктардын структурасын бузуп, алардын сырткы көрүнүшүн жана сапатын начарлатат. Акустикалык муздатуу бул терс кесепеттерден качууга жардам берет жана сактоо мөөнөтүн кыйла узартат», — деди ал.
Матиев ошондой эле бул технология өлкөдөн тышкары, атап айтканда, Москвада жана европалык өлкөлөрдө ийгиликтүү сыноодон өткөнүн, анда продукциянын сакталуусу жана сапаты үчүн жогорку баа алганын кошумчалады.
Мындан тышкары, ал учурда логистикалык инфраструктураны модернизациялоо боюнча иштер жүргүзүлүп жатканын, анын ичинде сактоо жана муздатуу үчүн заманбап борборлорду түзүү пландалганын белгиледи.
«Фермерлер учурда өлкөдөн жана коңшу мамлекеттерден продукциянын бир убакта рынокко келиши менен байланышкан көйгөйгө туш болушууда, бул баалардын төмөндөшүнө алып келет. Заманбап сактоо технологиялары продукцияны сактоого жана кийинчерээк сатууга жардам берип, жакшыраак бааларды алууга мүмкүнчүлүк берет», — деп кошумчалады ал.
