Ал жайыт комитетин түзүүгө [Жайыт комитети] чоң каражаттар бөлүнгөнүн эске салды.
«Бул комитет күтүлгөн иш-аракеттерди аткардыбы?» - деп сурады депутат.
Агроөнөр жай министринин орун басары Жаныбек Керималиев жайыт комитети 2009-жылы түзүлгөнүн жана ал учурда зарыл болгонун, бирок азыр мунун кереги жок экенин билдирди.
Анын айтымында, көпчүлүк жайыт комитеттери өзүнүн натыйжалуулугун көрсөтө алган эмес.
«Мурда жайыт комитеттери жергиликтүү бийлик органдарына жана акимге баш ийбеген, анткени алар өкмөттүк эмес уюмдар катары эсептелген. Счеттук палата алардын ишин текшерген, бирок алардын аракеттерине таасир этүү мүмкүнчүлүгү болгон эмес», - деп белгиледи ал.
Министрдин орун басары ошондой эле учурда жайыт комитеттерин акимге баш ийдирүү боюнча реформалар жүргүзүлүп жатканын билдирди.
Жыйында ошондой эле «Кыргыз Республикасы менен Эл аралык айыл чарба өнүктүрүү фондунун ортосунда «Жаныбар чарбасын жана базарды өнүктүрүү-3» долбоорун каржылоого макулдашуу долбоорун бекитүү жөнүндө» долбоор талкууланды.
