Акунбеков айыл чарба тармагы 2030-жылга чейин өлкөнүн өнүгүү стратегиясындагы приоритеттердин бири экенин белгиледи.
Анын маалыматына ылайык, 2024-жылы айыл чарба тармагынын ИДПсы 396,8 миллиард сомду түзсө, 2025-жылдын жыйынтыгы боюнча бул көрсөткүч 459,7 миллиард сомго жетип, бир жылда 63 миллиард сомго өсүштү көрсөткөн.
«Эл социалдык маанидеги азык-түлүк продуктылары, мисалы, сүт, картошка, жашылчалар, эт, жумуртка жана кант менен толук камсыздалган. Бирок өсүмдүк майы жана жемиштерге болгон муктаждык импорт аркылуу канааттандырылат», - деп кошумчалады министр.
Ал ошондой эле акыркы жылдары агросектор үчүн мамлекеттик колдоонун кыйла күчөй баштаганын белгиледи.
Бул колдоо алкагында эффективдүү жеңилдетилген кредит берүү системасы киргизилип, конкреттүү долбоорлор ишке ашырылууда. 2024-жылы кредит берүү 11,9 миллиард сомду, ал эми 2025-жылы 12,6 миллиард сомду түздү.
