Таштанов ошондой эле райондук суу чарба башкармалыктары жана жергиликтүү администрациялар менен кызматташтыкта ар бир регион үчүн керектүү суу көлөмдөрүн жана анын сарпталуусун тактоо иштери жүргүзүлүп жатканын кошумчалады. Эгерде сууга болгон муктаждык болжолдонгон агым көлөмүнөн ашып кетсе, фермерлерге сертификатталган, кургакчылыкка туруктуу өсүмдүктөргө өтүү сунушталат.
Мамлекеттин ар кайсы региондорунда суу ресурстарын бөлүштүрүү менен алектенген штабдар түзүлгөн, негизги милдети — сууну бирдей жана рационалдуу бөлүштүрүүнү камсыздоо.
2026-жылга чейин суу ресурстарын өлчөө үчүн 1 500 прибор орнотуу пландалууда. Бул жаңылык суу берүү жана жоготууларды так көзөмөлдөп, учурдагы шарттарда бөлүштүрүүнү жакшыртууга мүмкүндүк берет.
Гидрометеорологдордун маалыматы боюнча, жаан-чачындын деңгели орточо жылдык нормалардын чегинде күтүлүүдө. Бирок, Таштановдун белгилегенине караганда, климаттын өзгөрүшү себептүү жыл сайын суу ресурстарынын 30-35% кыскарышы айыл чарба үчүн кошумча тобокелдиктерди жаратат.
Ал жогорку түшүмдүү жана сертификатталган уруктарды колдонуунун маанилүүлүгүн, ошондой эле рынокто сунушталган шектүү продукцияларды пайдаланбоону баса белгиледи. Мындан тышкары, министрлик фермерлерге финансылык маселелерде жана заманбап агротехнологияларды киргизүүдө колдоо көрсөтөт. Адистер айыл чарба өндүрүүчүлөр менен кеңешүү үчүн жерине барып жардам берүүгө даяр.
