Ал даярдык этапында айыл чарба министрлиги, Жер ресурстары, кадастр, геодезия жана картография боюнча мамлекеттик агенттик менен, ошондой эле Кыргызстандагы ФАО өкүлдөрү менен жумушчу жолугушуулар өткөнүн белгиледи.
«Бардык статистика формалары көрсөтүлгөн уюмдар менен макулдашылып, республикалык деңгээлде бекитилген. Төрт түрдөгү форма иштелип чыккан: айыл аймактары, мамлекеттик жана коллективдик чарбалар, жеке короо чарбалары жана дача участкалары үчүн», - деп кошумчалады Алымкулова.
Ошондой эле ал формаларга электрондук тиркемелер түзүлгөнүн, аларда айыл чарба өсүмдүктөрүнүн түрлөрү, сорттук курамы жана малдын породалары тууралуу маалымат камтыларын билдирди. Бул маалыматтар бардык облустук статистика органдарына өткөрүлүп, белгиленген формалар боюнча толтурулат.
Статистика жүргүзүүчүлөрдү идентификациялоону камсыз кылуу үчүн атайын бейджиктер даярдалган, анда сүрөт, ФИО жана QR-код көрсөтүлөт.
«Эгерде жарандардын статистика жүргүзүүчүгө байланыштуу күмөн саноолору болсо, алар QR-код аркылуу маалыматты текшерип, анын чыныгы экенин тактай алышат», - деп түшүндүрдү аппараттын жетекчиси.
Мындан тышкары, статистика жүргүзүүчүлөр үчүн атайын логотип иштелип чыккан жана маалыматтык-рекламалык кампания уюштурулган, анын алкагында калкты келе жаткан статистика жүргүзүү тууралуу маалымдоо үчүн видеороликтер пландалууда.
