Ал бул иш-аракет пилоттук долбоордун алкагында жүргүзүлөрүн, өлкөнүн ар бир аймагын камтый турганын белгиледи.
«Биз ар бир аймакта эт бааларына кандайча таасир этүүгө болорун терең изилдөөнү көздөп жатабыз. Талдаонун алкагында бардык чынжырды, анын ичинде өздүк баасын да көзөмөлдөйбиз. Фермерлер 700 сомдук баа алардын чыгымдарын жаппайт деп айтып жатышат, бирок бул болгону сөз. Так эсептөөлөрдү жүргүзүп, чыныгы чыгымдарды аныктоо керек», - деп түшүндүрдү ал.
Мамыткановдун айтымында, мурда эт кластерлерин өнүктүрүү үчүн ар кандай долбоорлор аркылуу каражат бөлүнгөн. Бирок, рыноктук кырдаал кыйынчылыктарды жараткандыктан, пилоттук талдоону баштоого түрткү болду.
Эгер долбоордун жыйынтыктары оң болсо, анын мындан ары кеңейиши мүмкүн.
Мындан тышкары, учурда айыл чарба сектору үчүн сегиз жеңилдетилген кредит берүү программасы иштеп жатканын белгиледи. Керектүү учурда каржылоону суроо-талапка жараша кайра бөлүштүрүүгө болот.
