Turmush агенттигинин кабарчысынын маалыматына ылайык, иш-чараны Ысык-Көл облусундагы президенттин ыйгарым укуктуу өкүлү Бакытбек Жетигенов ачып, президент Садыр Жапаровдун жаңы шаар башчысын дайындоо боюнча буйругун окуду.
Конституциянын 71-беренеси жана «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамдын 47-беренесине ылайык, Талантбек Орускулович Иманов расмий түрдө Караколдун мэри болуп дайындалды.
Жыйналгандарга кайрылып, Иманов алдыдагы милдеттердин маанилүүлүгүн белгиледи. «Каракол шаарына кызмат кылуу мен үчүн чоң сыймык, жана мага жүктөлгөн жоопкерчиликти толук түшүнөм. Сиздердин ишенимдериңиздерди актоо үчүн колумдан келгендин барын жасоого даярмын. Биз туристтик секторду өнүктүрүүгө, шаардык инфраструктураны модернизациялоого жана экономиканы жакшыртууга багытталган ири долбоорлорду ишке ашырууга ниеттенүүдөбүз», - деди жаңы мэр.
Ошондой эле жыйын учурунда жаңы мэрдин кесиптик тажрыйбасы тууралуу маалымат берилди, ал ар кандай мамлекеттик мекемелерде иштөө тажрыйбасына ээ. Ал мурда Улуттук инвестиция агенттигинин жетекчиси жана санариптик өнүктүрүү министри кызматтарын ээлеген.
Эмгек иши
- 2008–2010 — ААК ТНК «Дастан» коопсуздук кызматына иштеген;
- 2010–2011 — «Газпром Нефть Азия» компаниясында технологиялык транспорт бөлүмүнүн жетекчиси болуп иштеген;
- 2011–2014 — ААК «Улан» компаниясында режим боюнча директордун орун басары болуп иштеген;
- 2014–2017 — ЗАО «Полигон» компаниясынын башкы директору болуп иштеген;
- 2018–2020 — ААК «Улан» компаниясынын башкы директору жана ТНК «Дастан» компаниясында өнүктүрүү директору болуп иштеген;
- 2020-жылдын мартынан бери ААК ТНК «Дастан» башкармалыгын жетектеген;
- 2022-жылы санариптик өнүктүрүү министри болгон;
- 2023-жылы Улуттук инвестиция агенттигин жетектеген;
- 2025-жылдын апрелинен бери президенттин атайын тапшырмалары боюнча атайын өкүлү болуп иштеген.
