Министрликтин маалыматына ылайык, 2026-жылы ветеринардык жана биологиялык каражаттарды сатып алууга республикалык бюджеттен 135 миллион сом бөлүнөт. Бул жазгы иш-чараларды өткөрүү үчүн бардык зарыл каражаттар толук камсыздалган.
Бекитилген планга ылайык, 3төн 6 айга чейинки жаштагы телкелер бруцеллезге каршы эмделет, ошондой эле ири мүйүздүү малдан бул ооруну диагностикалоо үчүн кан алынып жатат. Мындан тышкары, үй жаныбарларын коргоо үчүн иттерди жана мышыктарды бешенеден эмдөө иштери жүргүзүлүүдө, эхинококкозго каршы дегельминтизациялоо иштерине киришилди.
Койлор жана эчкилер оспо жана бруцеллезге каршы эмделет, ал эми ири мүйүздүү мал оспо, сибирь жарасы жана эмкара (эмфизематоздук карбункул) оорусуна каршы эмделет. Бардык процедуралар мамлекеттик бюджеттен каржыланат.
2026-жылы республикада туруктуу эпизоотикалык абалды камсыздоо үчүн аймактык ветеринардык кызматтар биопрепараттар, антигельминтиктер жана дезинфекциялоочу каражаттар менен толук камсыздалган. Бул материалдарды туура сактоо үчүн атайын муздаткыч жабдуулары орнотулган.
Эпизоотикалык иш-чаралардын планы малдын саны жана ар бир региондогу эпизоотикалык абал эске алынып, жергиликтүү өз алдынча башкаруу органдары менен макулдашылып, белгиленген тартипте бекитилген.
