Инициативаны өкмөт башчы сунуштады.
Мыйзам долбоорунун түшүндүрмө жазуусунда анын максаты мамлекеттик сатып алуулар системасын жакшыртуу, заманбап практикаларды киргизүү, процесстерди жөнөкөйлөтүү жана коррупция деңгээлин төмөндөтүү экендиги белгиленет.
Жыйында ЖК депутаты Махабат Мавлянова жергиликтүү фермерлерди колдоонун зарылдыгына көңүл бурду.
Ал кыргыз өндүрүүчүлөрүнүн органикалык айыл чарба продукциясын өндүрүп жаткандыгын, бирок өз продукциясын сатууда кыйынчылыктарга дуушар болуп жаткандыгын белгиледи. Бул контекстте балдар бакчалары жана билим берүү мекемелери үчүн азык-түлүк сатып алууларда органикалык продукцияга артыкчылык берүү сунушталды.
Түшүндүрмө жазуусуна ылайык, учурда санариптик технологияларды өнүктүрүүгө көңүл буруу маанилүү, бул экономикалык өсүшкө, мамлекеттик башкарууну жакшыртууга жана мамлекеттик кызмат көрсөтүүлөрдүн сапатын жогорулатууга жардам берет.
Документте мамлекеттик сатып алуулар системасын натыйжалуу кылып, коррупциялык тобокелдиктерди азайтуу үчүн бул тармактагы мыйзамдарды жакшыртуу пландалганы да көрсөтүлгөн.
