Айрыкча, Кыргызстандан Тюмен облусуна 17 тонна помидор менен бараткан унааны текшерүү учурунда, көптөгөн кутуларда зарыл болгон белгилер жок экендиги аныкталды.
Ошондой эле, Казакстандан Москвага ташылып жаткан 16,2 тонна кытай помелосунда да ушундай эле абал байкалган. Анын упаковкасында келип чыккан жери көрсөтүлгөн эмес, логистикалык борбордун дареги жазылган.
Бажы чек арасындагы жана Евразия экономикалык бирлигинин аймагындагы карантиндик фитосанитардык талаптарга жооп бербегендиктен, помидорлор жана помело менен жүк ташуучу унаалар Россельхознадзордун адистеринин көзөмөлүндө Кыргызстанга кайра кайтарылды.
