Ведомствонун маалыматына ылайык, 2026-жылдын 1-9-январь аралыгында 325 бала ооруканага жаткырылган. Кышкы аба ырайы балдардын арасында оорулардын өсүшүнө шарт түзүүдө.
Көрсөтүлгөн мезгилде ЦОВПнын балдар бөлүмүндө ооругандардын саны боюнча маалымат:
2026-жылдын 1-январында — 29 бейтап;
2026-жылдын 2-январында — 30 бейтап;
2026-жылдын 3-январында — 33 бейтап;
2026-жылдын 4-январында — 29 бейтап;
2026-жылдын 5-январында — 37 бейтап;
2026-жылдын 6-январында — 36 бейтап;
2026-жылдын 7-январында — 45 бейтап;
2026-жылдын 8-январында — 42 бейтап;
2026-жылдын 9-январында — 51 бейтап.
Балдар жана гинекология бөлүмдөрүндө 20 орун бар, кошумча 30 орун кошулган.
«2026-жылдын январь айынын башында 29-30 бала жөтөл, грипп жана жогору температура симптомдору менен байкалган, бирок 7-9-январь аралыгында бул сан 45-51ге өстү. Учурда балдар бөлүмү 20 орунга толуп, гинекология бөлүмүнө дагы 30 орун кошулду. Бейтаптар дарыгерлердин туруктуу көзөмөлүндө. Бул кырдаал жыл сайын байкалат, анткени жаңы жылдык майрамдар учурунда балдар көп учурда муздак ичимдиктерди ичишет жана натыйжада оорушат. Учурда дары-дармектер жетиштүү көлөмдө бар», - деп билдиришти жалпы дарыгерлик практика борборунан.
Медиктер ошондой эле ата-энелерге кышкы мезгилде балдардын көңүл ачуу иш-чараларына катышуусун чектөөнү, аларды сыртта жана парктарда көзөмөлсүз жүрүүгө жол бербөөнү, ошондой эле алардын ден соолугуна өзгөчө көңүл бурууну сунушташууда.
